මාගම්පුර වරායේ වටිනාකම පිළිබඳව විවිධ විද්වතුන් අදහස් පළකොට ඇත. නමුත් ඒ අතුරින් මාස්ටර් ඩයිවර්ස් ආයතනයේ සහ මව්බිම ලංකා පදනමේ සභාපති ආරියශිල වික‍්‍රමනායක මහතා ඉතා සුවිශේෂි වේ. එයට හේතුව වසර 12 කට පෙර අදාළ ස්ථානයේ මහා පරිමාන ජාත්‍යන්තර වරායක් ඉදිකළ හැකි බවට තාක්‍ෂණික අධ්‍යනයක් ඒ මහතා විසින් සිදු කිරීමයි. ඒ මහතා එදා ඒ වෙනුවෙන් තම පුද්ගලික ධනය මිලියන 2 කට වඩා වියදම් කොට ඇත.
ආරියශීල වික‍්‍රමනායක මහතා ඉන්දියානු සාගරයේ නාවික සේවා සැපයීම පිළිබඳ අධිකාරි බලයක් උසුලන ව්‍යාපාරිකයකු පමණක් නොව නාවික ක්‍ෂෙත‍්‍රයේ තාක්‍ෂණික වෘතීයවේදියෙකි. එතුමාගේ මතයට අනුව මාගම්පුර වරාය ලෝකයේ ප‍්‍රධාන වරායවල් 10ට ඇතුල්වනු ඇත. ඉදිරි වසර 100කට පසු නිපදවන මහා පරිමාන නාවික යාත‍්‍රා ඇතුල් කළ හැකි ලෝකයේ ප‍්‍රධාන වරායක් බවට පත්වන්නේ හම්බන්තොට වරායයි. වෙනත් වචන වලින් කියනවා නම් හම්බන්තොට කලාපයේ ප‍්‍රධානම වරාය බවට පත්වනු ඇත. ඒ විභවය අප රටේ ප‍්‍රතිපත්ති සම්පාදකයින් දැන නොසිටියත් සිංගප්පුරුවේ සිට ක‍්‍රියාත්මක වන ආර්ථික ඝාතක ඔත්තුසේවා ඉතා හොඳින් දන්නා බවට සැකයක් නැත.මාගම්පුර වරාය ජාතියේ ප‍්‍රමුඛතම සංවර්ධන ව්‍යාපෘතිය බවට පත්විය යුතු වුවත් එය එසේ නොවන්නේ ඒ ‘සිංගප්පුරු මෙහෙයුම්’ නිසා
ශ්රී ලංකාවට ප‍්‍රථම වතාවට ආනයනය කරන ලද හයුන්ඩායි ග්ලොවිස් රථවාහන 1000 ක් රැගත් නෞකාව ඊයේ මාගම්පුර රුහුණු මහින්ද රාජපක්ෂ වරායට ලගාවිය. රථවාහන ප‍්‍රවාහනය සදහා ජාත්‍යන්තර ජාලයක් ඇති හයුන්ඩායි ග්ලොවිස් සමාගම නියෝජනය කරන්නේ එයිට්කින් ස්පෙන්ස් ෂිපින් ආයතනයයි.
හයුන්ඩායි ග්ලොවිස් සමාගමේ “Asian Sun” නෞකාව ගෙනඑන ලද රථවාහන 1000 හම්බන්තොට වරායේ ගොඩබෑම ඊයේ සිදුකෙරුණි.
එයිට්කින් ස්පෙන්ස් ෂිපින් ආයතනය තමන් නියොජනය කරන හයුන්ඩායි ග්ලොවිස්් සමාගමට හම්බන්තොට වරාය තම නාවික හුවමාරුගත කේන්ද්‍රස්ථානය මෙන් සළකන ලෙස පෙළඹවූයේ මෙම වරායේ ඇති ගුණාත්මක ලක්ෂණ කිහිපයක් හේතුවෙන් බව එම සමාගම පවසයි. මෙහි පිහිටීම, ගැඹුරු සැළැස්ම හා රථවාහන 10000 ක් පමණ ගාල් කිරීමේ පර්යන්ත පහසුකම් ඇතිවීම එයට ප‍්‍රධානතම හේතුන් වේ.
හයුන්ඩායි ග්ලොවිස් සමාගමේ ප‍්‍රථම අදියර වන්නේ හයුන්ඩායි මෝටස්හි චෙන්නායි කර්මාන්ත ශාලාවේ නිෂ්පාදිත රථවාහන 1000 ක් තම නෞකාවෙන් නැව් හුවමාරුව පිණිස හම්බන්තොට වරායේ ගොඩබා යුරෝපය, අප‍්‍රිකාව අනෙකුත් ස්ථාන කිහිපයකට ප‍්‍රති අපනයනය කිරීමයි. එම සමාගමේ “Asian Legend” නෞකාව මෙම ප‍්‍රති අපනයන කිරීමට ඇති රථවාහන රැගෙනයාමට මෙම ජුනි මස 17 වනදින හම්බන්තොට වරායට ළගාවීමට නියම්තයි.
හම්බන්තොට වරායේ හුවමාරුව පිණිස ගෙන එන හයුන්ඩායි රථවාහන සංඛ්‍යාවේ සැළකිය යුතු ඉහළයාමක් ඉදිරියේදී බලාපොරොත්තු වන අතර මසකට රථවාහන නෞකා 3 හෝ 4 ක් වරායට ලගාවීමට දැනටමත් සැළසුම් කර තිබේ.
ලොව ප‍්‍රමුඛ රථවාහන ප‍්‍රවාහකයින් වන හයුන්ඩායි ග්ලොවිස් සමාගම උතුරු හා දකුණු ඇමරිකාව, යුරෝපය, ආසියාව, ඕෂනියා මෙන්ම අප‍්‍රිකාව යන කළාප සදහා සේවා සපයන PCTC යාත‍්‍රා 30 ක හිමිකරුවන්වේ. ප‍්‍රවර්ධන සේවාවන් සැපයීමද සිදුකරන ඔවුන් කොරියාවේ විශාලතම වාහන වෙන්දේසියද හසුරවනු ලබයි.
හයුන්ඩායි ග්ලොවිස් රථවාහන ප‍්‍රවාහකයින්ගේ පුරෝගාමී පැමිණීමත් සමග වානිජ නැව් සදහා සුදුසු නොවන පරිසරයකින් යුක්ත බවට හම්බන්තොට වරාය සම්බන්ධයෙන් මෙතෙක් ප‍්‍රකාශිත ව්‍යාජ මිත්‍යා මත පළවාහැරීමට හැකියාව ලැබෙන අතර මාගම් රුහුණුපුර වරායේ හැකියාවන් සනාථ කරමින් එහි ක‍්‍රියාකාරීත්වය කඩිනම් කිරීමට හැකිවනු ඇත. මාගම්පුර රුහුණු මහින්ද රාජපක්ෂ වරාය ඉදිරියේදී වානිජ කේන්ද්‍රස්ථානය බවට පත්වීම මෙන්ම විවිධ ක්ෂේත‍්‍ර තුළින් ලාභ උපදවන දියුණු ස්ථානයක් බවට පත්වනු නිසැකය.
No comments:
Post a Comment